କରିଯାଅ କିଛି ସତ୍ କାମdo Some Good Work Poem by Gajanan Mishra

ଘୋଟାଲା
ଗଜାନନ ମିଶ୍ର

1

କଣ ଏ ଘୋଟାଲା?
ସରକାରୀ ହୁଅନ୍ତୁ କି
ବେସରକାରୀ ଘୋଟାଲା ଇ
ସାଧାରଣ ଲୋକଙ୍କୁ
କରୁଛି ସ୍ୱାହା।

ଅଫିସର ଅମଲା
ଆଉ ରାଜନୀତିର ପାଲା,
ସମବାୟ, ଓମଫେଡ, ଚାରା,
ଦାମଙ୍କ ନାରା,
କିଏ କେମିତି, ଜାଣି ନି,
କିନ୍ତୁ ଖୋଜିବାରେ ବ୍ୟସ୍ତ
ସଭିଏଁ କୂଳକିନାରା।

2

ଏତେ ବର୍ଷ ପରେ
ଜାଣନ୍ତୁ ଲୋକେ
ରାଇଜଟା ହୋଇଛି
କେତେ ପୋଲା।
ଜାଣନ୍ତୁ ଲୋକେ
କେତେ ରଖିଛି
କାହାକୁ ଅନ୍ଧାରରେ
ବିଦେଶୀ ଭାଷା!

ରୋକଠୋକ୍ ଦାମ,
ଆସ ବାପଧନ,
ଏ ମାଟି ଦେହ
ନିଆଁରେ ମାଟିରେ
ପବନରେ ଆକାଶରେ
ପଳେଇଯିବା ଆଗରୁ
ରାଇଜର କରିଯାଅ
କିଛି ସତ୍ କାମ।

3

ମା ମାଟି ମାତୃଭାଷାକୁ
ବିରୋଧ କରୁଛି ଯିଏ,
ମୁହଁରେ ତାହାର
ଲଗାଇ ଦିଅ ଜୁଏ,
ସତ୍ୟ ଧର୍ମର ଶଙ୍ଖ ବଜାଇ
ଶଙ୍ଖାସୁରକୁ
ପାରୁଛ ତ କରିଦିଅ,
ଭସ୍ମ, ଦାମ।

ଯୋଉ ପାଦକୁ
ବଢାଉଛ ଆଗକୁ
ଫେରେଇ ନିଅ ନା ପଛକୁ।
ସତ୍ୟର ଜୟ ଶୁଭୁ,
କୋଉ ନୀଳବର୍ଣ ଶୃଗାଳର
ଆଦୁ ନୁହେଁ,
ଜନଗଣମନର ସଦା
ଜୟଗାନ ହେଉ।