For The Victory At Agincourt

Rating: 2.8
Deo gratias Anglia redde pro victoria!


Owre kynge went forth to Normandy,
With grace and myzt of chivalry;
The God for him wrouzt marvelously,
Wherefore Englonde may calle, and cry

Deo gratias:
Deo gratias Anglia redde pro victoria.


He sette a sege, the sothe for to say,
To Harflue toune with ryal aray;
That toune he wan and made a fray,
That Fraunce shall rywe tyl domes day.

Deo gratias:
Deo gratias Anglia redde pro victoria.


Then went owre kynge with alle his oste
Thorowe Fraunce for all the Frenshe boste;
He spared 'for' drede of leste ne most,
Tyl he come to Agincourt coste.

Deo gratias:
Deo gratias Anglia redde pro victoria.


Than for sothe that knyzt comely
In Agincourt feld he fauzt manly,
Thorow grace of God most myzty
He had both the felde and the victory:

Deo gratias:
Deo gratias Anglia redde pro victoria.


Ther dukys and erlys, lorde and barone,
Were take and slayne and that wel sone,
And some were ledde in to Lundone
With joye and merthe and grete renone.

Deo gratias:
Deo gratias Anglia redde pro victoria.


Now gracious God he save owre kynge,
His peple and all his wel wyllynge,
Gef him gode lyfe and gode endynge,
That we with merth mowe savely synge

Deo gratias:
Deo gratias Anglia redde pro victoria.
Wednesday, April 7, 2010
READ THIS POEM IN OTHER LANGUAGES
COMMENTS

Delivering Poems Around The World

Poems are the property of their respective owners. All information has been reproduced here for educational and informational purposes to benefit site visitors, and is provided at no charge...

3/4/2021 2:34:53 AM # 1.0.0.510