କେନଆଡୁ କେତେବେଲେfrom Where When Poem by Gajanan Mishra

1
କେନଆଡୁ କେତେବେଲେ
ଆସବା ଟାଙ୍ଗି ତରୁଆଲ ନେଇଁ ପାର ଜାନି,
କଚକାଚ୍ କାଟତେଲ କାଟିନେବା ବେକ,
ମୁଁଡ, ଛାତି, ନେଇଁ ପାର ଜାନି।
କହି ନେଇଁ ପାର କି ସହି ନେଇଁ ପାର।
ବସି ନେଇଁ ପାର କି ଉଠି ନେଇଁ ପାର।
ଉକି ନେଇଁ ପାର କି ଠୁକି ନେଇଁ ପାର।
ମରମି ବଏଲେ ଭି ମରି ନେଇଁ ପାର।
2
ଆରୁ କେନ୍ତା ଲୋକଟେ ଖୁଜୁଥିଲ
ଜଦରଭି ମନକେ ନେଇଁ ଅଉଛେ
ମଦପାଏନ ନିଶା ମାଏଝି କିଛୁଥି
ନେଇଁଥିଲା ଲୋକ୍? ଜଦରଭି
ରୋକଠୋକ୍ କହେବାରଟାକେ
ପସନ୍ଦ ନେଇଁ ତମର୍ ଆରୁ କେନ କଥା
ଶୁନବାରକାଜେ ଅତାବିଲା ଏତକି!
3
ନେଇଁ ତ ନେଇଁ, ହଁ ତ ହଁ,
ଫେର ଭି ପସନ୍ଦ ନେଇଁ
କଲା ରଙ୍ଗ, ଧଲା ରଙ୍ଗ।
କେତେଦିନ ଆରୁ ଇନ?
ନେଇଁ ଜାନି ହେ ସବୁ,
ପଚରାବାର କାରନ ନେଇଁ ନ।
4
କାଣା କଲା କିଏ କେନଠାନେ
କେଁ ଫାଏଦା କହିକରି କି ଶୁନିକରି?
ନିଦଟିକେ ନେଇଁହେଲେ ରାଏତଟା
ବେକାର ହେଟା ଆରୁ କହେବାରକେ
ପଡବା ଭାଏଲ କାହାକେ?