पलामि बलुछे
गजानन मिश्र
पलामि बलुछेरे
पलामि कलकत्ता बलुछे
मोर नाति बलुछे।
मोर रजारे,
मोर धनर धन,
पलामि बलुछेरे
पलामि बलुछे ।
दुलेइ दिअरे टिके
हलेइ दिअ।
हलेइ दिअरे टिके
खेलेइ दिअ।
खेलेइ दिअरे टिके
हसेइ दिअ।
दिअरे दिअ
मोर नातिके
रजा कहिदिअ।
मोर नातिरे,
मोर रजारे,
मोर चकाजनरे,
मोर गोल बदनरे।
मोर नातिके टिके
नचेइ दिअरे नचेइदिअ।
कलकत्ता कथा आरु
नेइ कहेबा जेन्ता
हेन्ता करिदिअ ।
शराबन जेइकि
आसलान भुदो,
कलकत्तारे खाएमा नुआ
बलुछे मोर दादो।
केन्ता करमा इटा
केन्ता करमा।
इ नाति साङ्गे
चाल रहिजिमारे
चाल रहिजिमा ।
तपोवन, टिटिलागड, बलाङ्गिर
21/8/2019
This poem has not been translated into any other language yet.
I would like to translate this poem