Meeraji

(25 May 1912 – 04 November 1949 / Gujranwala / British India)

Gunahoo.n sey nashonuma pa gaya dill - Poem by Meeraji

Gunahoo.n sey nashonuma pa gaya dill
dar_e pukhta kaari pe pohncha gaya dill

agar zindagi mukhtasir thi tu phir kiya
isi main bohat aish karta gaya dill

ye nanhi si vusat, ye nadaan hasti
nay sey naya bhaid pa gaya dill

na tha koi ma'bood, per rafta rafta
khud apna hi ma'bood banta gaya dill

nahi garya_o khanda main koi farq
jo rota gaya dill tu hansta gaya dill

pareshaa.n raha aap tu fikr kiya hay
mila jis sey bhi us ko behla gaya dill

kai raaz pinhaa.n hain lekin khilain gai
agar hashar k roz pakra gaya dill

bohat hum bhi chalal bantey they lekin
humain baatoo.n baatoo.n main behka gaya dill

kahi baat jab kaam ki Meera Jee nay
woheen baat ko jhat sey palta gaya dill


Comments about Gunahoo.n sey nashonuma pa gaya dill by Meeraji

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Monday, April 16, 2012

Poem Edited: Monday, April 16, 2012


[Report Error]