Humayag Guihapon An Masirum Poem by jose de claro

(jose_de_claro)
10nov’06\8: 23pm

“Masirum na! ” siring san akon klasmit.
“Undangi na la”, “ ayaw na gad pagpirit”.
“Guinkikinaragan mo la an imo panahon”,
“Pagtraysikol na la, mao man la guihapon”.

Buwisit gud man ini nga “Trigo”,
“Regular” na ak unta tikang pa san sadto.
Duha ka beses na ak natagan san singko,
Wara gudman kalooy an duha nga maestro.

Kawaray pa gana pag-iniskwela,
Kalimpyu san “schedule”, an “subject” pipira.
Kan Pampanga, Seň ora, kan ma’am nga Lasaca,
Mau nala permi - baga an biko, kasumo pa nira.

Pero nag “enroll” ak guihapon san “Trigo”,
Baa! Pantulo na ini, medyo delikado.
Bisan man la tres, ayaw na gad man san singko,
Mauhon ngani – sa Engineering ma goodbye na ako.

Piste! Kay kasayon man la seni
“One half” is equal to Sine 30”.
“Identities? ” – sadto pa man ini.
“Bearings? Logarithm? – Jesus ka mani”

Naabat ak mapapasar na gud ak seni.
Diak na ngani na absent, permi na ak aanhi.
Antes pa gud mag klase, nakaon ak anay mani,
Kay siring nira nga ini kuno napadati.

Ungod ada an ira siring?
Kay lumiwanag man an dating madilim.
Nobiemre 10 nakuha ko an grado,
Pag kita ko sa form, wow – si Jose pasado!

Tikang yana magtutuhay na ak,
Permi ak makaon mani, iton na akon balak.
Balitaw.. magtutuhay na ak pag-aram,
Diak na tikarawat singko, nano sira nahihinaram? !