Hasrat Mohani

(1 January 1875 - 13 May 1951 / Mohan, Unnao / British India)

Husn-e-beparavaak ko Khud_bib-o-Khudaaraa kar diyaa - Poem by Hasrat Mohani

Husn-e-beparavaah ko Khud_bib-o-Khudaaraa kar diyaa
kyaa kiyaa mai.n ne ki izahaar-e-tamannaa kar diyaa

ba.D gayii.n tumase to milakar aur bhii betaabiyaa.N
ham ye samajhe the ki ab dil ko shakebaa kar diyaa

pa.Dake teraa Khat mere dil kii ajab haalat huii
iztaraab-e-shauq ne ek hashr barpaa kar diyaa

ham rahe yaa.N tak terii khidmat me.n sargarm-e-nayaaz
tujhako aaKhir aashanaa-e-naz-e-bejaa kar diyaa

ab nahii.n dil ko kisii suurat kisii pahaluu qaraar
is nighat-e-naaz ne kyaa sahir aisaa kar diyaa

ishq se tere ba.De kyaa kyaa dilo.n ke martabe
mahr zarro.n ko diyaa qatro.n ko dariyaa kar diyaa

terii mahafil se uThaataa Gair mujhako kyaa majaal
dekhataa thaa mai.n ki tuune bhii ishaaraa kar diyaa

sab Galat kahate the lutf-e-yaar ko wajah-e-sukuun
dard-e-dil is ne to 'Hasrat' aur duunaa kar diyaa


Comments about Husn-e-beparavaak ko Khud_bib-o-Khudaaraa kar diyaa by Hasrat Mohani

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Wednesday, April 18, 2012

Poem Edited: Wednesday, April 18, 2012


[Report Error]