I Am The Guest For Some Time ମୁଁ ଏଠାକାର କିଛି ସମୟର ଅତିଥି, Poem by Gajanan Mishra

ମିଛ ଧୂଳି ଧୂଆଁ ଫିଙ୍ଗି
ପାରିବ ନି କରି ପରାସ୍ତ ମତେ ।
ସେଥିରେ ବରଂ ମୁଁ
ଶକ୍ତ ହେବି ଆହୁରି,
ଆଉ ପାଇବି ଖୋରାକ
ଆହୁରି ଆହୁରି ଆଗକୁ ଯିବାର ।

ବରଂ କର ସ୍ଵାଗତ,
ଖୋଲାରଖି ପ୍ରବେଶ ଦ୍ଵାର ।
ମନାଅ ଉତ୍ସବ ଯେ ମୁଁ
ଆସି ପହଂଚିଛି ସାଙ୍ଗସୁଖ ସବୁ ଧରି ।

ପଚାରିବାରେ ମନା ନାହିଁ
ମଧୁର ଭାଷାରେ ଯଦି
ଅଛି କିଛି ସନ୍ଦେହ ମନରେ ।

ମୁଁ ଏଠାକାର କିଛି ସମୟର ଅତିଥି,
ଜାଣିଛି ସବୁ ବୋଲି ପାରୁ ନି କହି ।

କିନ୍ତୁ ଅଛି ମୋର ଆଖି ଆଉ ମୁଁ
ଦେଖୁଛି ସବୁ ଭଲ ମନ୍ଦ
ଯଦିଓ ନାହିଁ କିଛି କରିବାର,
ହୋଇ ଯାଉଛି ସବୁ ସ୍ଵତଃ,
ଏଇଟା ହିଁ ସୌଭାଗ୍ୟ ।