IN CAMERA 1 Comments

Verskans in Duchess Court het sy behou:
antieke meubels en ‘n wankel waardigheid;
ná vyftig jaar as vroedvrou ook die slag
om mense aan te trek. Hier bewaar sy foto's,
ou joernale en haar pyn in fyn besonderheid.
Die Royal Albert-teeservies (as bruid
by Ansteys uitgekies) gebruik sy net vir teas
soos dié - and all the snacks I made myself.
Nou, dis die lounge waar ons gaan sit -

but let me show you something at the back
- verskoon die deurmekaarspul hier, ek maak
mos klere ook - designer stuff - die plek
raak vreeslik omgewoel; and then of course
is Lindy altyd tussenin. Sit down! Now sit!
Sy raak so opgewerk, jy weet. En hierdie hek
het ek gekry vir veiligheid. Maar kyk
net daar: Jy sien tot in die ewigheid. Now
have you ever seen a view like that?

This dress I made for Marguerite. Sy was
vanoggend hier - Miss South Africa of '68.
Nooit getrou nie, weet jy dit? And still
as beautiful, although she's put on weight.
Poor girl. Ek wonder tog . . . Oh, never mind,
dit ís maar soos dié dinge gaan. Now come,
let's have some tea. Ken jy dié? Earl Grey.
Gavin bring vir my, uit Londen, altyd vars.
He's with the SAA, a gentleman and very kind -

Die sonvlak skuif, sy maak nog tee. Ons praat
oor dit en dat: My husband died in '83, how sad
for me who had no kith or kin. But then,
you see, the Lord provides: klein Lindy hier
is nes ‘n kind en altyd ‘n plesier. Maar wat
sal van haar word as ek - Sy praat, en onderwyl
verdwyn die lig om ons. It's getting late,
merk sy, but don't go yet! You have to see
the view at night! Ek swig en ons gaan kyk:

Die stad lê soos ‘n see en brand ontsteek
in uitwasse rondom die kern, buitewyk -
dit flikker geel en giftig langs die naat
waar here-rif en agterbuurte skei: ‘n melkweg,
afgeruk deur swaartekrag. Dit is die plek
van mense dié, van drif en eensaamheid. Sy kyk:
You know what this reminds me of? Ek luister
en vertrek. Maar ingebed in daardie metafoor
(a cemetery alight) sien ék ‘n ou plasenta
oopgevlek - swart, en terminaal besmet.
...
Read full text