IPHI INKOSI U MZILIKAZI Poem by Albert Nyathi

Bayethe
Wena weZulu
Ndabezitha
UMzilikazi kaMatshobana
Utshobatshoba lingangoyise uMatshobana
Ndabezitha
Bayethe

We makhosi abeNguni
Lin oZwelithini
Lin oMswati
Lin oKhayisa lina oButhelezi

Uphi uMzilikazi kaMatshobana
Utshobatshoba lingangoyise uMatshobana
UMzilikazi kaMatshobana
Umkhatshwa wakoZimangele
Okhatshwe ngezind izinyawo langezifitshazanyana
wal ukudl umlenze koBulawayo
Inkubela abayihlabe ngamanxeb uZulu

Inyang abathi ifile Zulu
Kanti ithwasile
Ithwase ngonyakana kaMpeyana
Ubando abalubande balutshiya Zulu
Inkomo ezavulinqama ngezimpondo
Ngoba zavul iNgome zahamba
Wena owathi usagodla weluleka
Mzilawegazi kawulandelwa
Owulandelayo uyazibambelela
Kwahlehla uTshaka
Kwahlehla uDingane
Abanye bakhwela izintaba
Kwathi abofokazana bangena ezimbalwini
Bayethe, wena weZulu.

Utshobatshoba lingangoyis uMatshobana
Ibhidi elimnyama ngomlomo
Elithethwa ngezinyembezi zamadoda
Umfitshane wakithi onjobo kazinyathelwa
Kanti ezabade ziyanyathelwa
Ezabade nguTshaka kaSenzangakhona
Ezabade nguZwide kaLanga
Inkwenkwez ende ilesilimela
Ilang elaphum endlebeni yendlovu
Laphum amakhwezi abikelana
Umzaca omnyama otshayizinkomo, watshaya amadoda
Utshani bude busemahalihali
Bothi nyakana butshayo
Buyotsha lemitsha yamadoda
Imbabal egxakaz ematsheni
Iyesab inzipho zay ukonakala
Wemba ngomkhonto
Wemba ngenduku
Bayethe

Inkal umahamba lugege
Ezindlini zika baba
Yithi laba esesidliswa imbuya ngoluthi
Ikanti layo inyama sesiyidlela eluthini
Bayethe Mzilikazi
Bayethe nkosi yamakhosi
Ndabezitha
Wena weZulu