Jan Nisar Akhtar

(14 February 1914 - 19 August 1976 / Madhya Pradesh / India)

Jaaiye baiThiye hukmraanoN ke biich - Poem by Jan Nisar Akhtar

jaaiye baiThiye hukmraanoN ke biich
aap kyuuN aa gaye ham divaanoN ke biich

aur kyaa hai siyaasat ke baazaar meN
kuch khilone saje haiN dukaanoN ke biich

thaa jinheN ishq kaa hauslaa uTh gaye
tazkire rah gaye daastoN ke biich

ishq ke naam par aur to kyaa hogaa
dushmani ho gayii do gharaanoN ke biich

log baateN banaane pe aise tule
chhup gayii har haqiiqat fasaanoN ke biich

jalne vaaloN kii aaheN kahaaN jal sakiiN
ek dhuaaN hai abhii tak makaanoN ke biich

zindagaanii kii qadreN badalne lagiiN
log baNTne lage do zamaanoN ke biich

kam se kam ham meN ye hauslaa to rahaa
zindagii kaaT dii imtihaanoN ke biich

sher-o-fan kii sajii hai nayii anjuman
ham bhii baiThe haiN kuch nau-javaanoN ke biich




Comments about Jaaiye baiThiye hukmraanoN ke biich by Jan Nisar Akhtar

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 13, 2012

Poem Edited: Friday, April 13, 2012


[Report Error]