Ameer Minai

(1826 - 13 October 1900 / Lucknow / Mughal India)

Jhonkaa idhar na aaye nasiim-e-bahaar kaa - Poem by Ameer Minai

-->

Jhonkaa idhar na aaye nasiim-e-bahaar kaa
naazuk bahut hai phuul charaaG-e-mazaar kaa

phir baiThe baiThe vaadaa-e-vasl us ne kar liyaa
phir uTh kha.Daa huaa vahii rog intazaar kaa

shaaKho.n se barg-e-gul nahii.n jha.Date hai.n baaG me.n
zevar utaar rahaa hai uruus-e-bahaar kaa

har gul se laalaazaar me.n ye puuchhataa huu.N mai.n
tuu hii pataa bataade dil-e-daaG_daar kaa

is pyaar se fishaar diyaa gor-e-tang ne
yaad aa gayaa mazaa mujhe aaGosh-e-yaar kaa

hilatii nahii.n havaa se chaman me.n ye Daaliyaa.N
muu.Nh chuumate hai.n phuul uruus-e-bahaar kaa

uThataa hai naazaa me.n vo sarahaane se ai 'Ameer'
miTataa hai aasaraa dil-e-ummiid_vaar kaa


Comments about Jhonkaa idhar na aaye nasiim-e-bahaar kaa by Ameer Minai

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, April 24, 2012

Poem Edited: Tuesday, April 24, 2012


[Report Error]