Andrew Marvell

(31 March 1621 – 16 August 1678 / Yorkshire, England)

Johannis Trottii Epitaphium - Poem by Andrew Marvell

Charissimo Filio &c.
Pater & Mater &c.
funebrem tabulam curavimus.
Age Marmor, & pro solita tua hxmanitate,
(Ne inter Parentum Dolorem & Modestiam
Supprimantur praeclari Juvenis meritae laudes)
Effare Johannis Trottii breve Elogium.
Erat ille totus Candidus, Politus, Solidus,
Ultra vel Parii Marmoris metaphoram,
Et Gemma Sculpi dignus, non Lapide:
E Schola Wintoniensi ad Academiam Oxonii,
Inde ad Interioris Templi Hospitium gradum fecerat:
Summae Spei, Summae Indolis, ubique vestigia reliquit;
Supra Sexum Venustus,
Supra Aetatem Doctus,
Ingeniosus supra Fidem.
Et jam vicesimum tertium annum inierat,
Pulcherrimo undequaque vitae prospectu,
Quem Mors immatura obstruxit.
Ferales Pustulae Corpus tam affabre factum
Ludibrio habuere, & vivo incrustarunt sepulchro.
Anima evasit Libera, Aeterna, Faelix,
Et morti insultans
Mortalem Sortem cum Foenore accipiet.
Nos interim, meri vespillones,
Parentes Filia extra ordinem Parentantes,
Subtus in gentilitio crypta reliquias composuimus,
Ipsi eandem ad Dei nutum subituri.
Natus est &c. Mortuus &c. reviviscet
Primo Resurrectionis.


Comments about Johannis Trottii Epitaphium by Andrew Marvell

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, December 31, 2002



[Report Error]