Kaash hota mere paas
ek majboot kaandha aisa......
jis par rakh kar sir
kar leti har gum apna halka
jiski baahon ke bhandhan mein paati.
Zamane bhar kii khushiyan
gheri raat mein jabh dar jaati
papa–papa keh lipat jaati
jiski godh mein rakh kar sir
mein meethi lori sunti
jis par tangta bag mera, har subah,
alhar si mast, chalti jiske peeche
jiski ungli pakad pahunchti school
garv se seena taan kar
jiske hone bhar se kabhi naa dekhti
maa ki aankhon mein, khaara samundar
jiski bahoon mein paati
dher saara pyar, apne liye
aage bhadne se jab darti
kehta “ darr mat.. mein hoon naa”
tabh girne kaa naa hota darr
tham joh leta, mujhe har modh par
jiski aankhon boonti, anginat sapne
mere, ujjwal bhavishya ke
jiski nasihatein deti seekh
zamane se ladne ko
joh karta maaf, har galti
phir deta meethi si jhidki
joh meri uplabdhiyon par
prem se bhar deta meri jholi
jabh pii ke ghar mein jaati
duaoon se bhaar jaati, jiski aankhen
meri har jeet se hota
seena choda jiska
kaash hota mere paas bhi
ek majhboot kaandha aisaa……….
-###-11/04/08 -###-
This poem has not been translated into any other language yet.
I would like to translate this poem
AFTER 3-4 years.....I will repeat once more....YOU ARE THE BEST HINDI POET IN HERE