Khajoor - Amrood! Poem by Parul Agarwal

Do paudhe, seenche, rounpe,
Maali ek, dharti ek
Dono ki dekh rekh ek.

Saal mahine kitne beete
Ek kehlaya Amrood
Toh doosra Khajoor.

Khajoor hua joh gagan chumne
Karne laga ghamand
Oonchain par, apne.

Amrood raha bechaara chota
Samajhne laga apne
Ko khotaa.

Aaya waqt jabh phool kaa
Amrod khil-khilaa utha
Rooansa hua khajoor.

Chidiyoon ne kiya basera
Hua jabh naya savera
Phal phool se who lehraaya
Harshit ho wah bada muskaaya.

Chidiyon kaa kare intezaar
Hua dukh se behaal
Phal laga – par thaa ooncha
Pahunch se sabke, dour.

Hua choor tabh ghamand Khajoor kaa
Aaya samaj tabh, sabh, usse
Muskaaya – prem kaa haath tabh badhaya.

31/03/08