Muzaffar Warsi

(20 December 1933 - 28 January 2011 / Meerath / India)

Lab-e-Khaamosh se Izhaar-e-tamannaa Chaahe - Poem by Muzaffar Warsi

-->

lab-e-Khaamosh se izhaar-e-tamannaa chaahe
baat karane ko bhii tasviir kaa lahajaa chaahe

tu chale saath to aahaT bhii na aaye apanii
daramiyaaN ham bhii na ho yuuN tujhe tanhaa chaahe

zaahiirii aaNkhon se kyaa dekh sakegaa koii
apane baaton pe bhii ham faash honaa chaahe

jism-poshii ko mile chaadar-e-aflaak hamen
sar chhupaane ke liye vusa'at -e-seharaa chaahe

Khvaab mein roye to ehasaas ho sairaabii kaa
ret par soyen magar aaNkh mein dariyaa chaahe

bheNT char jaauuN na main apane hii Khair-o-shar kii
Khuun-e-dil zabt kare zaKhm tamaashaa chaahe

zindagii aaNkh se ojhal ho magar Khatm na ho
ek jahaaN aur pas-e-pardaa-e-duniyaa chaahe

aaj kaa din to chalo kaT hii gayaa jaise bhii kaTaa
ab Khudaa-band se Khairiyat-e-fardaa chaahe

aise tairaak bhii dekhe hain 'Muzaffar' hamane
Garq hone ke liye bhii jo saharaa chaahe


Comments about Lab-e-Khaamosh se Izhaar-e-tamannaa Chaahe by Muzaffar Warsi

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Wednesday, April 11, 2012



[Report Error]