Mera Parichya Poem by Kavi Shubhanshi

Kabhi udan bharti hu,
Kabhi muskan bharti hu,
Mai ek esi chiriya hu,
Jo kuch na chahte hue bhi, Sabme jazbat bharti hu..

Kabhi sabhi ko achi lagti hu,
Kabhi shaitan lagti hu,
Mai bina pankh ki vo chiriya hu,
jo koso door, Khwabo me udan bharti hu..

Kabhi hasti hu, to kabhi roti hu,
Kabhi dil hi dil me kisi ko chahti hu, to kabhi nafrat karti hu,
Mai esi khushnuma chiriya hu,
Jo ehsaso ko samete, sabki zindagi gulzar karti hu..