Uchava ruchengeto weruzhowa rwedzinza rwangu,
Pandichaneta uchanditambidza mukombe wemvura
Pandichazendama nedziro renyika uchandipa chigaro
Ndiwe hako dangwe rwerupenyu rwangu
Mukuronga uchatonhodza mhomho yemarwo angu
Uchatakura mhodzi dzedzinza rangu ugodzipa rudhenero rwepfungwa
Ndiweka VaChinyachide wangu, gungwa rinopa donhodzo rwerendo,
Pazambuko uchasheedza shewe wanike gada gada zvipo zveruwadzano
Tsindidzo dzemoyo ndichachengeta mukufamba dzichava ruvheneko rwerugare rwedzinza yawakabereka.
This poem has not been translated into any other language yet.
I would like to translate this poem