ਮਿੱਟੀਏ ਪੰਜਾਬ ਦੀਏ Mitteiye Punjab Diye Punjabi Poetry By Ranjot Singh Poem by Ranjot Singh Chahal

*ਮਿੱਟੀਏ ਪੰਜਾਬ ਦੀਏ*

ਮਿੱਟੀਏ ਪੰਜਾਬ ਦੀਏ
ਵਿੱਚੋਂ ਮਹਿਕਾਂ ਮਾਰਦੀ ਏ
ਏਥੇ ਲੱਖਾ ਪੀਰ ਪੈਗੰਬਰ ਆਏ
ਜਿੰਨਾ ਥਾਂ ਥਾਂ ਡੇਰੇ ਲਾਏ
ਉਹ ਕਰਕੇ ਗਏ ਜਾਦੂ ਆਪਣਾ
ਤਾਹੀਂ ਧਾਰਮਿਕ ਅਸਥਾਨ ਬਣਾਏ

ਮਿੱਟੀਏ ਪੰਜਾਬ ਦੀਏ
ਵਿਚੋਂ ਮਹਿਕਾਂ ਮਾਰਦੀ ਏ
ਜਿੱਥੇ ਗੱਭਰੂ ਜਵਾਨ ਨੇ ਜੰਮੇ
ਜਿਨ੍ਹਾਂ ਵੈਰੀ ਇਥੋਂ ਭਜਾਏ
ਉਹਨਾਂ ਨਾਮ ਹਮੇਸ਼ਾ ਰਹਿਣਾ
ਜੋ ਜਾਨ ਵਾਰ ਕੇ ਆਏ

ਮਿੱਟੀਏ ਪੰਜਾਬ ਦੀਏ
ਵਿਚੋਂ ਮਹਿਕਾਂ ਮਾਰਦੀ ਏ
ਇੱਥੇ ਵੰਨ ਸੁਵੰਨੇ ਨਾਚ
ਜੋ ਸਾਰੀ ਦੁਨੀਆਂ ਸੁਣਦੀ
ਇੱਥੇ ਵੰਨ ਸੁਵੰਨੇ ਰਾਗ
ਜੋ ਪੰਜਾਬ ਦਾ ਨਾਂ ਚਮਕਾਏ

ਮਿੱਟੀਏ ਪੰਜਾਬ ਦੀਏ
ਵਿਚੋਂ ਮਹਿਕਾਂ ਮਾਰਦੀ ਏ
ਇੱਥੇ ਵੱਖਰਾ ਸੱਭਿਆਚਾਰ
ਹਰ ਇੱਕ ਦੀ ਇੱਜ਼ਤ ਤੇ ਸਤਿਕਾਰ
ਕੋਈ ਗਰੀਬ, ਕੋਈ ਅਮੀਰ
ਗੁਰੂ ਘਰ ਲਈ ਸਭ ਇੱਕਸਾਰ

ਮਿੱਟੀਏ ਪੰਜਾਬ ਦੀਏ
ਵਿਚੋਂ ਮਹਿਕਾਂ ਮਾਰਦੀ ਏ
ਇੱਥੇ ਪਿਆਰ ਦੀ ਬੋਲੀ ਮਿੱਠੀ
ਜੋ ਬੋਲਦੇ ਨੇ ਪੰਜਾਬੀ
ਜੋ ਗਿਣਤੀ ਦੇ ਵਿਚ ਥੋੜ੍ਹੇ
ਪਰ ਲੱਖਾਂ ਦੇ ਵਿਚ ਦੌੜੇ