ମୋରି ଭାଇ My Brother

ଐଶାନୀର ଭାଇଗୀତ
ଗଜାନନ ମିଶ୍ର

ଭାଇରେ ଭାଇ
ମୋରି ଭାଇ
ରତନ ଭାଇ,
ଭାଇରେ ଭାଇ
ଭାତ ରୋଟି
ସବୁ ଦେବ ଖାଇ,
ଝୁଲି ଝୁଲି ଥାଇ
ପଡିବ ଶୋଇ।

ଭାଇରେ ଭାଇ
ମୋରି ଭାଇ,
ଭାଇର ବଳ
ଅତୁଳ ତୁଳ
ଜଗତର ଭାଇ
ଅମୂଲମୂଲ,
ହେବାକୁ ଦେବି ନି
ଭାଇର କିଛି।

ଭାଇରେ ଭାଇ
ମୋରି ଭାଇ
ମୋରି ଛାଇ।
ରହି କି ପାରିବି
ଭାଇ କି ଛାଡି!
ଭାଇରେ ଭାଇ
ତୋ ଛଡା ମୋରି
ନାହିଁ କେହି।

ବାଘ ଭାଲୁ ମିରିଗ
ହିଂସ୍ର ଯେତେକ
ମୋ ଭାଇ ହାତରେ
ମରିବେ ଆଗ
ଦେଖ ଦେଖ ଦେଖ
ଭାଇର ରାଗ।

ଭାଇର ହସ
ଭାରି ସରସ
ସ୍ନେହ ପ୍ରେମ ତାର
ଭାରି ଆଦର
ଭାଇ ମୋହର
ଆଲୁଅ ଆଣିବ
ତଡି ଅନ୍ଧାର।

ଭାଇରେ ଭାଇ
ମୋରି ଭାଇ
ମୋ ଗୀତ ଶୁଣି
ପଡୁଛି ଶୋଇ
ଶୋଇକି ଭାଇ
ଦେଖିବ ସପନ
ଭାଇ ମୋହର
ଜୀବନ ଧନ।

ତପୋବନ, ଟିଟିଲାଗଡ, ବଲାଙ୍ଗୀର
16/03/2021