Naye Saal Ka Mukhauta (Hindi) Poem by Veer Dhiman

Naye saal ka naya mukhauta
Kya avval hai kya hai khota,
Gaya samay jo ab na laute
Naye samay ka naya mukhauta

Nayi aadtein bula rhi hain
Pal pal yeh darsha rhi hain
Mil kar reh din-saanjh tu
Hatkar ban din-saanjh tu

Mehnat ka tu loha manwa
Haston se mehnat karwa
Jo bhool gye unko keh alvida
Puraani yaadein bhi alvida

Naye saal ka kar ke prann
Naya sa hoga ab tera rann
Dhool ko teeka maan kar
Ae pashinde tu heera ban
Ae pashinde tu heera ban...