Ndagara Ndapota Poem by Shelton Chiuswa

Ndagara ndasimuka ndakwenya ndapoterera
Hecho chamupupuri choungana chotrnderedza musha madanha api aya.
Zvainenge hochi mukochi yejambwa kondakatadzeiko.

Apo simuke ndiye tande, tsvedzu pidigu dii.
Ndiye simu fambe tererei, nzveve ndodzo tsviiii nemheterwa ini pasi dhiii...
Musoro wezeya neshungu, pfungwa dzopatikana nemibvunzo.

Muswe pakati pemakumbo ndiye simu ndakananga kurwizi Nyatonge pamwe kuMakanya ndingawane nhengeni nhomba yakadzika.
Pamwe musango raHama ndingawane shuro nhomba yenyama ikapera.

Regai ndigare ndapota nekoko ndobira Mutorahuku dzichizvigeza munyama. Asi zuva risato razoorora regai ndogare pachuru chimhamhasi ndigare ndagwabvurwa nyama iyi yakarindirwa namaBhinya.