Ndiripo Ndinewe Poem by Shelton Chiuswa

Mhute rakava mufuko werwendo kumapinga erwendo
Chitima chevanhu chainge chakaradanuka mutema akananga panhongonya yerwendo.
Kukuma nekudzvova dzaive muchingamidzo wenyika yatsikwa neemutema.
Mhino dzaive dzovavira nhava yenhekwe, huro yemhino ichipamhinduru,
Chirungurira chemavave chakaisa chitirobo munyasi mehurokuro,
Dzimudzangara dzimudzangara ndini uyo dzimudzangara

Chiripo-ripo mboni kunaro zuva chandoona muranga inhumbu yegore.
Dikita kuita mhembero padundundu, mbereko kuita mutserendende wemasvosve.
Ndini cheu-cheu ndoone zvawangove musoro wechitima, dumbu nebesu hakuchina
Chipfuva chakazarirwa nemhepo, mavanga emaparapadzanwa akadaira vhundutsu yemuhama
Pakusheedzera ndakabirwa izwi nemhepo, huro yakaiswa mupfigo wevakaamba kare.

Usaatya mwanangu ndinewe, ndine muchengei wako, wakabuda muchiiona changu,
Kunyika ino unonzi Muchengeti asi yauri uri muranda kune vanemeso vanokuziva kunyika yakapfuura
Urijinda chivhindikiti uto rehondo, wkadanwa kuuhumambo wehondo, asi usaite hondo yemativi asi hondo yevanhu.
Muchengeti vhura meso nekuti chawakabata ndochodiwa, chawapfunda muruoko ndiwe unokwanisa kufusha kana kuvandudza
Ndiripo ndinewe pese pauri, muhope, murwendo, mumisodzi nemuzodzo ndinewe mwanangu
Tora nhekwe munhava ufembe uudze vachengeti vagare newe siku nesikati, varondi vasawana muitsimba yako.

Ndiripo ndinewe Muchengeti