ସମୟ ନାଇଁ No Time Poem by Gajanan Mishra

ଆମ୍ୱକଷି
ଗଜାନନ ମିଶ୍ର

ତୁ ଆଉ
ଆମ୍ୱକଷି ହୋଇ
ନାହୁଁରେ ସୁନ୍ଦରୀ।
ଏବେ
ନା ତୋର ପାଳି
ନା ମୋର!

ଏଠୁ ସେଠିକୁ
ଯିବାକୁ
ସମୟ ନାଇଁ।
ନାଇଁ ତୋ ପାଖରେ
ନାଇଁ ମୋ ପାଖରେ
ନାଇଁ ନାଇଁ ନାଇଁ।

ତୋ ଭିତରର ଝଡ
ତତେ ନାଶିବ ସୁନ୍ଦରୀ,
ମତେ ବି ଛାଡିବ ନି
ମୋ ଭିତରର
ବନ୍ୟା ବାତ୍ଯା ମରୁଡି,
ଆମଠି ଆମର କରାଳ ରଡି।

ରେ ସୁନ୍ଦରୀ
ତୋ ନବନାଟକର
ନୁହଁ ମୁଁ ନାୟକ ଆଉ,
ତୁ ବି ଆଉ
ନାୟିକା ହୋଇ ନାହୁଁ,
କୁଆଡୁ କୁଆଡକୁ
ଏଠାକାର ଏ
ଉତ୍ତାଳ ତରଙ୍ଗ
ବୋହି ନେଉଛି କିନ୍ତୁ
ଆମ ଦିହିଙ୍କୁ।

ଯୁଆଡେ ଯାଉଛୁ ଯା
ଯୋଉଠି ଅଛୁ ଥା,
ଆମର ଭେଟ ଏମିତି
ଅଚାନକ ବେଳେବେଳେ
ହେଉଛି ତ ହେଉଥାଉ।
ଏ ବେଳରେ
ଲେସି ହେଉ କି ଲେତି
ଝଡିବାର ଅଛି ଯଦି
ଝଡୁଥାଉ ସୁନ୍ଦରୀ ଝଡୁଥାଉ!

ତପୋବନ, ଟିଟିଲାଗଡ, ବଲାଙ୍ଗୀର
26/05/2020