OÍCHE NOLLAG IN AMIENS Comments

Oíche Nollag phréachta,
Bean ag iompar naí,
A chic mar phiscín cráite,
I sac siopa Monoprix.

Oíche chiúin i mbeithilín
Géimneach bhó albastair,
Máthair, asal, lao, siúinéir
Ag meangadh roimh naí plástair.

Fear siúil ag dreapadh fuílligh
Mar a bhfeiceann sac ag speachadh,
Ag gol ar charn farasbairr
Amhail beach i gcoirceog sheaca.

Bolgann caintic Nollag
Beithil bhréagáin Íosagáin;
Faoi shúile bacaigh chabhrach
Saolaíonn mála áilleagán.

Fear siúil ar shliogáin uibhe,
Naí bruscair ar a ucht,
I mbindealáin a ghiobail,
Ag rith ón gcarn nocht.

Reonn Oíche Chiúin ar bheola,
Gabhann pobal Dé chun luí,
Sa ghaoth ag damhsa romhainne
Mála plaisteach Monoprix.
...
Read full text