O Nrata Jwang? Poem by Abednigo Pitso

O nrata jwang?
O thabela ho bona mefophodi ya dikeledi marameng a ka?
O ikotla sefuba ho nkenya tsietsing ya ho ba wa hao wa lerato....

Hobaneng o sebedisa lentswe 'Lerato' ho nkotla pelong ka lerumo?
Ke thabo pelong ya hao ho mpona ke hlomohile maikutlo?

Thabo ya hao ke nyakallo pelong ya ka..
O kgothala moyeng ho bona ke kgitla seboko?
Sello sa ka ke monyaka pelong ya hao?

O nrata jwang?
Ha thabo ya ka e le thohako pelong ya hao?
Ho nkotla pelong ka mantsoe a bohloko..
Ho sotla wa ka moya..
Ho nfetola setshehisa ditjhabeng..
A ke lona lerato leo?

Se leng pelong ya ka lena lerato,
Yaka pelo e rotha madi,
Se bonwang ke ya ka pelo,
Se sethabetsa se mahla a ka a se bonang...
Hobaneng o sebedisa lerato ho nkutlwisa bohloko?
O nrata jwang?