Omukhana Omutachoni Poem by Epilisi Q Mwivanda

1. Omukhana omutachoni,
Omukhana hulia wa liria,
Huveele nende omwoyo omukwaalafu,
Omwoyo kuvulamo ofumalimali tawe.

2. Omukhana omutachoni,
Omukhana wa esikhova siyanjisia,
Ovurofu nende liva lia ovuchachaafu,
Avanyinji vekomba okhumenya ninaawe.

3. Omukhana omutachoni,
Omukhana huli nende omukavwa,
Omukhana hulondaanga lipaara lilie,
Omukhana hulia wa amani mumakumba.

4. Omukhana omutachoni,
Hulia wa esikhova sia yinderema,
Esikhova sikilaanga na amiukha hamoni,
Vuli omusaacha yekomba omukoko omutachoni.

5. Omukhana omutachoni,
Omukhana wa Nyasaye yahumba nakalukhilila,
Sikilaanga nivakhulondakho,
Khuli ochendaanga oyanjisiaanga hamoni.