poet Gabriel Rosenstock

Gabriel Rosenstock

OSCLAÍM MO DHÁN

osclaím mo dhán do nithe geala
seo isteach oráistí, is caisearbháin,
míle fáilte
suígí síos
is beidh mé libh

tagann isteach im dhán
cuach álainn sneachta ina gob
fáilte

cad seo?
milliún galún gréine

osclaím mo dhán do gach a bhfuil
a mbeidh a raibh
a d'fhéadfadh a bheith
dearúd

seo chugam isteach
seanchat
cos colúir ina bhéal
(chaith a leithéid tarlú)
buail fút
seachain an chuach
tá sneachta ina gob

faigh spás duit féin ansin
idir
oráistí is caisearbháin
cad as a dtáinís chugainn, a sheanchait?
cá bhfuil an chuid eile den cholúr?

osclaím mo dhán do na dúile
idir bheo is mharbh is
tagann eidhneán isteach tugann
sé leis falla
titeann an falla ar an gcat
dán tragóideach é seo
ar shlí

áit éigin ar dhroim an domhain
tá falla ag titim ar chat
ar leanbh

osclaím mo dhán arís do nithe geala
ach níl aon ní fágtha

Poem Submitted: Friday, January 11, 2019

Add this poem to MyPoemList

Rating Card

5 out of 5
0 total ratings
rate this poem

Comments about OSCLAÍM MO DHÁN by Gabriel Rosenstock

There is no comment submitted by members..

Edgar Allan Poe

Annabel Lee



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?