Póčki w tyzce Poem by RÓŽA DOMAŠCYNA

sym z něhdyšich wjeskow přišła
rěč sym přinjesła sobu
nichó nochcyše ju rozumić
su ju zamjelčeli
su so přez nju smjeli mi rjekli
njech ći w šiji tčacy wostanje
mi barbili: dawa lěpšich rěčow
to wothrymzach słowa hač na póčku
póčki sym wuplunyła a přihladowała
kak so po hórce kulachu
po puću kopolachu

wumjeć puć mi kazachu
to zezběrach póčki składźech je
do tyzki wodźěch je z wěčkom
wěčko přilěpich k tyzce
ručež ju třasu to słyšu:
nošu klepotace w tyzce