Para Lang Sa Iyo Poem by Minerva Agriam

Dapat bang magising,
Umagang kay tamis;
Parang nasa mga ulap.

Di man ninanais,
Ang naramdaman;
Nitong puso ko.

Kay ligaya ng mga sandali,
Parang tuldok ng musika;
Mga hakbang pabalik.

Mga paa'y nananabik umapak,
Sa mga bulaklak;
Na nasa paligid.

Ito ang nadarama,
Sa ganda ng umaga;
Tuwing kasama ka.

Para lang sa iyo,
Ang mga pangarap ko;
Kahit gising nangangarap pa rin ako.


(4/28/03. 7: 05 p.m)