Hasrat Mohani

(1 January 1875 - 13 May 1951 / Mohan, Unnao / British India)

Phir bhii hai tumako masihaa_ii kaa daavaa dekho - Poem by Hasrat Mohani

Phir bhii hai tumako masihaa_ii kaa daavaa dekho
mujhako dekho, mere marane kii tamannaa dekho

jurm-e-nazzaaraa pe kaun itanii Khushaamad karataa
ab vo ruuThe hai.n lo aur tamaashaa dekho

do hii din me.n vo baat hai na vo chaah na pyaar
ham ne pahale hi ye tum se na kahaa thaa dekho

ham na kahate the banaavaT se hai saaraa Gussaa
ha.Ns ke lo phir vo u.nho.n ne hame.n dekhaa dekho

mastii-e-husn se apanii bhii nahii.n tum ko Khabar
kyaa suno araz merii, haal meraa kyaa dekho

ghar se har vaqy nikal aate ho khole hue baal
shaam dekho na merii jaan saveraa dekho

Khaanaa-e-jaa.N me.n namudaar hai ek paikar-e-nuur
hasarato aao ruKh-e-yaar kaa jalvaa dekho

saamane sab ke munaasin nahii.n ham par ye itaab
sar se Dhal jaaye na Gusse me.n dupaTTaa dekho

mar miTe ham to kabhii yaad bhii tum ne na kiyaa
ab muhabbat kaa na karanaa kabhii daavaa dekho

dosto tark-e-muhabbat kii nasiihat hai fazuul
aur na maano to dil-e-zaar ko samajhaa dekho

sar kahii.n baal kahii.n haath kahii.n paa.No kahii.n
us kaa sonaa bhii hai kis shaan kaa sonaa dekho

ab vo shoKhii se ye kahate hai.n sitamagar jo hai.n ham
dil kisii aur se kuchh roz bahalaa dekho

havas-e-diid miTii hai na miTegii 'Hasrat'
dekhane ke liye chaaho u.nhe.n jitanaa dekho


Comments about Phir bhii hai tumako masihaa_ii kaa daavaa dekho by Hasrat Mohani

  • (8/12/2012 8:41:00 PM)


    Hawas-e-deed mit-ti hai na miTegi Hasrat
    Dekhne ke liye chaho unhe jitna dekho.............................!
    (Report) Reply

    0 person liked.
    0 person did not like.
Read all 1 comments »



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Wednesday, April 18, 2012

Poem Edited: Wednesday, April 18, 2012


[Report Error]