କବିତା - ନୂଆସ୍ୱପ୍ନ Poetry - New Dream Poem by Gajanan Mishra

କଣ ହେଉଛି କବିତାରେ ଦେଖ
ଗଜାନନ ମିଶ୍ର

ଦେଖ, କଣ ହେଉଛି କବିତାରେ!
ଖରା ବର୍ଷା ଆଉ ଶୀତରେ ଦେଖ
ବାସ୍ନାପୂର୍ଣ ଫୁଲଗୁଡିକ କେମିତି
ଫୁଟିବାରେ ବ୍ୟସ୍ତ ଚାରିଆଡେ ।
ରଙ୍ଗବେରଙ୍ଗ ଆକାଶରେ ଦେଖ
ମସ୍ତ ତାରାଗୁଡିକ ଭଲ ପାଇବାର
ଜବରଦସ୍ତ ପ୍ରତିଶ୍ରୁତିରେ।
ନୀତିନିୟମ ସବୁକୁ ଜାବୋଡି
କେମିତି ଯିବାକୁ ହେଉଛି ଆଗେଇ
ଦେଖ ଏଠାରେ ଏ କୁହୁଡିରେ।
ଆଉ ଦେଖ, ଅଦୃଶ୍ୟ ଟିକ୍ ଟିକ୍ ଶବ୍ଦ
ଏକଦମ୍ ଠିଆ ଗଙ୍ଗାର ପବିତ୍ର ସୁଅରେ
ଏଇ ଆମ ଦ୍ୱାରବନ୍ଧରେ ନୂଆସ୍ୱପ୍ନର
ଘାସଗାଲିଚାରେ ନୂଆ ରୂପରଙ୍ଗରସରେ।

ତପୋବନ, ଟିଟିଲାଗଡ, ବଲାଙ୍ଗିର
16/12/2019