ଏତକିଟେ ଇନ So Many Here Poem by Gajanan Mishra

ଗୋଚରେ ନେଇଁ
ଗଜାନନ ମିଶ୍ର

ପୋକଜୋକ ଚାଁଟିମକରା
ଏତକିଟେ ଇନ,
ସଲା, କଲବଲ କରି ମାରୁଛନ।

କେନକେ ଜିବ
କେନ୍ତା ରହେବ
ନେଇଁ କହ ନ!

ସମିଆକେ
ସର ସର ବଏଲେ ଭି
କେଁ ସରୁଛେ ଜଲଦି!

ନେଇଁ କହ ନ
ଏତକି ଉଦୁରମାତ୍
ଇ ସମିଆ!

ଢିପୋଟେ ବଲିକରି
ଚଢିଜିମି ବଏଲାବେଲକେ
ସଲା, ଗଖା ଦାଦର
କୁହାଁ କାଦୋ ପଚ ପଚ
କିଟକିଟ ଅଧାଁର
ଭିତର ବାହାର।

କାଁ ହେବା ଆଗକେ
ନେଇଁ ପଚର ନ।
ଦିନୁଦିନକେ ଏକଲା
ଜଉଛେଁ ପଡି
ପବନ ପାଏନ ଭି
ଜଉଛେ ଛାଡି ଛାଡି।

ଇଟା କେନ ଜାଗା କି?
ହେଟା ଭି
କାହାରିର ଗୋଚରେ ନେଇଁ।

ତପୋବନ, ଟିଟିଲାଗଡ, ବଲାଙ୍ଗିର
5/4/2019