Swěčka poča hašować Poem by RÓŽA DOMAŠCYNA
Swěčka poča hašować
we wokomikach hdyž swěčka hašuje
so dych staji kóždy raz miknjenčko dlěje
rozpłunje zawostate wono do mozow błysknje:
tři horstki pěska dwě sylzy a zdychnjenčko
što bě lubosć što bě běda po ruskej bajce
wšojedne štož traje je něšto rozpjate
mjez do-žiwjenjemi prěkušk
we wujězdźenej šćežce kamušk přirodnosć
we wotběhu pohibow a tola
wudyri młodźina w tychle wokomikach
a brězyna započnje rejować
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
3/12/2026 8:23:57 PM # 1.0.0
