Taɛzibt Poem by Azru Iflan

(0)

Yak nnan telha niyya
D lḥila n ṣṣfa
Bab-is xas yeɣli ad yekker

Tettak udem i taggara
Tettrebbi lqima
Win i tt-yesɛan ur inegger

Nekk ay atma ur y-tehwa ara
Armi i d-nemsegra
I d-yendeh s yisem-iw liser

(1)

Anda-tt taɛzibt ur nerḍiḥ
Niɣ asebsi ur nendiḥ
S Lḥesnaoui d Lɛenqa

Sselseɣ-as i lɣerḍ jjiḥ
Ass-a ad d-tettiqsiḥ
Tedwilt-nni ur rğiɣ ara

Yak nnan leɛmer yerbiḥ
Bnadem ur neqbiḥ
D lweqt ad niqbiḥ tura

Γer tḥerci ad ncerreg ttesriḥ
Ad s-neḍlu amsiḥ
I wid yesburren nniya

(2)

S rrba i d-y-isrebḥen
Idim yemmaren
D aneɛyabu ttwargameɣ

Seddeḍen lerbug akk celxen
Ula i y-d-yeṭṭfen
Deg weḍref wegni n-yiseɣ

Allen zik yettneḥcamen
Ur ttadlent dayen
Xas ma sdat win ttqadareɣ

Tagmatt ad s-rẓeɣ ifadden
Ad s-gerrzeɣ lekfen
Deg uzabuq ad s-serrḥeɣ

(3)

Ṣṣifa n leḥbab ad tt-beddleɣ
S tḥerci ad tt-jeyyreɣ
S tumlilt n tmenqas-iw

Bu ttrika ɣur-s ad sennedeɣ
Ma d wayeḍ at ḥeqreɣ
Xas yefruri-d seg uẓar-iw

Γur Rebbi afus ad t-id-kkseɣ
Aḥezzeb ad t-nefḍeɣ
Ad t-nfuɣ seg disan-iw

At ẓẓur ad ten-id-necdeɣ
S yess-n ad nefḍeɣ
Widen ur icekkeb lɣerḍ-iw

(4)

D usfih i y-isburren rrxa
Yeḍsan ɣef lḥerma
I iferrun tilla ass-ayyi

D ungif yeččan deg uɣenǧa
Γur d-tegra tɣawsa
Γef iderman ad yettrayi

Taddart ma tḥemmel zzayla
Ttekki deg mezwura
I s-d-ittḥuccun mebla acetki

Ma tseɛteb-ik tmara
Zuf beddel tama
Tettuḍ amek iga iḍelli