ତହସିଲଦାର Tahasildar Poem by Gajanan Mishra

ତହସିଲଦାର
ଗଜାନନ ମିଶ୍ର

ତହସିଲଦାର?
ଜଣା ଅଛି କି
କାହାକୁ ୟାର
ପ୍ରକୃତ ଅର୍ଥ?
ୟାକୁ ନେଇ
କିଆଁ ଏତେ ବାଲି
ଗୋଡି ମାଟି
ପଥର ବ୍ୟବସାୟ?
ନା ୟାଠୁ ଆରମ୍ଭ
ସରକାରଙ୍କ ସବୁ ଆୟ?
ସରକାର କିଏ?
କୋଉଠି ଆଉ କଣ ପାଇଁ?
ଦିନ ନାଇଁ ରାତି ନାଇଁ
ମେହେନତି ମଣିଷ ମୁଁ
ଖଟି ଖଟି ହାଲିଆ।
ଶ୍ରମିକ, ମୂଲ ଯାହାର
ଦୁଇଶହରୁ ତିନିଶହ ମାତ୍ର,
ତଳେ ଖରା, ଉପରେ ତାରା।
ମୋରି ଡିହ ଘର ସବୁର
ଡିଫେକ୍ଟ ଦେଖିବାକୁ
ଆଗରେ ଠିଆ ତହସିଲଦାର।
ଲାଂଚୁଆ ମିଛୁଆ
ଖଚୁଆ ଗହଣରେ
ଯାଉଛି ପ୍ରାଣ ସଦା।
ହେବ ନି କୋଉଠି
କିଛି ମାହାଲିଆ।
ୱାରେ ମାଗିଖିଆ!
ଚାକର ଆଉ ଚାକିରିଆ!
ଏଇଟା ଆମର ସ୍ୱାଧୀନତା!
ପୁଂଜିପତି ଜମି ଦଲାଲ
ମାଲେମାଲ,
ହାତୁଡି ଦା
ଥୁତା,
ଝଣ୍ଡାରେ ନାଇଁ ଲାଲ।

ତପୋବନ, ଟିଟିଲାଗଡ, ବଲାଙ୍ଗିର
1/5/2019
ଶ୍ରମିକଦିବସରେ।