ନେଇ ଯାtake This Poem by Gajanan Mishra

1.

ଗୋଟାମୋଟା
ମୁଁ ମତେ ସମର୍ପି ଦେଲି,
କହିଲି, ଯା ନେଇ ଯା।
କେମିତି ନେବ,
ନେଇ ରଖିବ କୋଉଠି,
କରିବ କଣ,
ସେଇସବୁ ନେବା ଲୋକର କାମ।
ମୋର ନାଇଁ ଜାଣିବାର।

ଜାଣି ବି
କରିବି କଣ?
ଆଉ କଲେ ବି
କିଏ କଣ ବୁଝିବ
ଆଉ ବୁଝିଲେ ବି
ରାସ୍ତା କଣ ଫିଟିବ!

2.

କାହାକୁ ଆଉ
କେତେ କଣ କହିଥାନ୍ତି,
କିନ୍ତୁ କହିଲି ନାଇଁ।
ରଖିଲି ନିଜକୁ
ନିଜ ଆୟତ୍ତରେ।
ବହିଲା ପବନ
ଫେରିଲା ନାଇଁ,
ରେଖା ପଂଚମୀରେ
କାଶତଣ୍ଡୀ ଆଣି
ଗୁନ୍ଥିଲି ବେଣୀ ଯେ!
ଲେଖିଲି କବାଟରେ
ଓଁ ଗଣେଶାୟ ନମଃ,
ମହାଦେବାୟ ନମଃ,
ଭୈରବାୟ ନମଃ।
ସଫଳତା ନ ମିଳିବା
ଜାଗାରୁ ମିଳିଲା।
କାହାକୁ କିଛି ନ କହି
ଠିଆ ଜାଗାରେ ଇ ବସିଲି
ଦେଖିବାକୁ ଆଉ ଥରେ
ଏ ଆକାଶକୁ।