ତିନଟା ଦୁଆରthree Gates Poem by Gajanan Mishra

ତିନଟା ଦୁଆର
ଗଜାନନ ମିଶ୍ର

ଦୁଆର ଅଛେ ତିନଟା ବୋ,
ଆରୁ ଜେନ ଦୁଆରବାଟେ ଯ
ହେଟା ପହଂଯିବ ନରକେ।

ଯିବାର କଥା ନେଇଁ ସେ ବୋ,
ନେଇଁଗଲେ ଆରୁ ନେଇଁ ଥାଏ
ଝାମେଲା କିଛୁ କେତେବେଲେ।

ଫିଟକରି କହେମି ବଏଲେ
ହେ ତିନଟା ଦୁଆରର ନାଁ ହେଲା
କାମ କୋରୋଧ ଆରୁ ଲୋଭ୍।

ଜାନୁଛେଁ ହେ ତିନଟା ଦୁଆରେ
ଅଛ ବଲି ଏତକି ସେତକି ହିଁସା
ଅହଁକାର ମୋର ତୋର ପାତରଅନ୍ତର ।

ଏତକି କଲିଁ ସେତକି କଲିଁ ଇଟା ହେଲିଁ
ହେଲିଁ ବି ସେଟା, ଇଟାସେଟା ପାଏଲିଁ ଭି,
ମକେ ବାସିଥିରେ ନେଇଁ ପଚରାଲେ କେହି।

ତିନଟା ଦୁଆର ପାସେ ଅଛେଁ ବଲି
କହୁଛନ୍ ରାଖସ, ଅଗ୍ୟାନରେ
କରୁଛେଁ ଅଭିମାନ, ଦେଖୁଛେଁ
ମୋର ଚଲତି ଗାଡିର ସବୁ ହାୱା ଫସ୍।

ତପୋବନ, ଟିଟିଲାଗଡ, ବଲାଙ୍ଗିର
9437366644