Tu Karke Dikha! Poem by Manas Agarwal

O ri chiraiya, Ruk mat uth,
Aur uthke dikha.

Girne haar mat maan kabhi,
Phirse chal, aur chal ke dikha.

Yaadon ki bediyon mein mat jakadne de khudko,
Un bediyon ko todne dikha.

Sawaalon se kabhi na darna Tu,
Unke jawaab dhundhke dikha.

Kathinaaiya h, aur ayengi,
Tu krke apna hausala buland, unse ladke dikha.

Tu toh Nirasha ko aasha, mushkil ko asaan,
Aur Namumkin ko mumkin mein badal ke dikha.

Apni himmat aur hausala kabhi na tutne dena kabhi,
Krke use buland manjil ko haasil krke dikha.

Tu ro, tu tut, tu bikhar ja tutke,
Lekin phir pehle se jyada majboot hoke dikha.

Udne se darr mat, tu giregi lekin,
Tu apni mehnat aur koshish se sabse ucha uske dikha.

Logo ki parwaah na krna kabhi,
Tu apni kaamyaabi ko chhuke dikha.

Andar dahleej ke mat reh,
Us dahleej ko laangh ke dikha.

Samudra ki lehro se mat darr,
Unko cheer ke aage badhke dikha

Dukh ke sagar mein khudko dubne mat de,
Iss mahasagar ko paar krke dikha.

Arey tu toh saundhi si khusboo h apne aangan ki,
Us aangan ko phirse mehka ke dikha.

Mana ki safar kaanto bahra h tera,
Lekin tu uspe bhi haske chalke dikha