Tumse Milke Poem by Anish Chouhan

Tumse milke dil ki dhadkan badhaana sikh gaye the,
Aur har mulakaat ki dastaan teri yaadon me likh gaye the,
Har mulaakat me wahi bewajah si baatein hoti thi..
Aur wahi baatein soch be-neend phir raatein hoti thi...
Phir kisi bahaane se chhu liya tha tumhe ek pal...
Aur wo tumhara muskurana ghayal kar gya tha hame..
Nazarein tumhe hi dekh rahi thi,
Aur mere is dil se keh rahi thi..
Ke bana de ek tasveer aisi jo mit na paaye,
Aur tasveer me unki khubsurti ke siva kuch nazar na aaye..
Ek din phir wahin unse mulaakaat hui..
Namm hawa ke saath halki si barsaat hui..
Wo jyada kah to na paayi, magar itni si baat hui...
Ke hamara saath ab yahin tak ka tha...
Wo haseen aakhri pal bas wahin tak ka tha..
Phir to zindagi jese bewajah si ho gayi..
Aur Un aakhri lamho me zindagi hi kho gayi..
Phir unse milne ka dil me bas khayaal hi rah gaya..
Aur unki tasveer ka har rang aansuon me bah gaya..
Dil ko phir bhi kahin unka intezaar tha...
Kyunki dil ko sirf unse hi pyaar tha..
Door hoke bhi wo najadikiyon me bani thi..
Jinme chhupi kuch khaamoshiyaan hasin thi...
Ye Rishta hi wo gahraayi chhu gya tha,
Ke mehsoos hi na kar paaye jo dooriyaan kahin thi..
Aaj bhi ye dil isi ummeed me dhadakta he,
Ki wo phir aake is dhadkan ko badha jaaye,
Aur mera dil unki taarif me phir kuch likh jaaye..