ନାଇଁ ନ କିଛୁ ଆରୁ କାଏଁ ବଏଲ? Two Kosli Poems Poem by Gajanan Mishra
Gajanan Mishra
ନାଇଁ ନ କିଛୁ ଆରୁ କାଏଁ ବଏଲ? Two Kosli Poems
ନାଇଁ ନ କିଛୁ, ।
ପାଏନ ବରଷୁଛେ
ନେଇଁ ନ ପାଏନ ।
ପବନ ବୁହୁଛେ
ନେଇଁ ନ ପବନ ।
ଅଛେ ସବୁ
ନେଇ ନ କିଛୁ ।
ଅଛେ ଆକାଶ,
ଅଛେ ପାତାଲ,
ଅଛେ ମାଏଟ,
ଅଛେ ତାଏଟ,
ଶବଦ ଭରମ
ଅଛେ ସବୁ
ଜିବନ କରମ ।
ନେଇ ନ କିଛୁ,
ଅଛେ ସବୁ।
ଖୁଜଲେ ପାଏବୁ,
ନେଇଁ ଖୁଜଲେ
କାଣା କହେବୁ ।
କହେବୁ ନେଇଁ
ଅଛେଁ ମୁଇଁ,
କହେଲେ ଦେଖବୁ ଭୁଇଁ ।
ଭୁଇଁ ଥି କାଣା ନେଇଁ?
ନେଇଁ ନ କିଛୁ
କହେବୁ ନେଇଁ ।
କହେଲେ ତୁଇ
ଥିବୁ ନାଇଁ ।
ଥିଲେ କିଛୁ
ଦେଖବୁ ନାଇଁ
କିଛୁ ସୁନବୁ ନାଇଁ ।
ନାଇଁ ନାଇଁ
ତୁଇ ନାଇଁ ମୁଇଁ ନାଇଁ,
ସବଦ ଦୁରସ କିଛୁ ନାଇଁ ।
ଆରୁ ଅଛେ ଜେନଟା
ଜାନବାର ସକତ
ଆମର ନେ ନାଇଁ ।
ନାଇଁ ତ ନାଇଁ କିଛୁ ନାଇଁ,
ଦେହେ ଅଛେ ଜିବନ ନାଇଁ,
ଜିବନ ଥିଲେ ପେରେମ ନାଇଁ,
ପେରେମ ଥିଲେ ସତ୍ ନାଇଁ ।
ସତ୍ ଅସତ ବାରବାର ନାଇଁ,
କିଛୁ ନାଇଁ କିଛୁ ନାଇଁ,
ସୁଇନ ସବଦର ହିସାବ ନାଇଁ ।
2.
କାଏଁ ବଏଲ?
କିଏ ସୁନଲା?
ସୁନିକରି କିଏ
କାଣାକଲା?
ବରଫ ଉପରେ
ଗୁଲାବାରୁଦ ହେଲା ଗଦା,
ସମୁଦର ଭିତରେ
ଜଲ୍ଲା ଜୁଏ ।
ବାଏଲ ଉପରେ
ଦେଖଉଥିଲା ପିଠ୍
ଗୁନ୍ଚା ।
ଫାଟୁଥିଲା ମେଘ
ଆକାଶ ଉପରେ
ଉଡୁଥିଲା ଫେର ଭି ପରୁଆ ।
This poem has not been translated into any other language yet.
I would like to translate this poem
Gajanan Mishra
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
9/20/2024 5:37:48 PM # 1.0.0.1119
