ଲାଇଟଖୁଣ୍ଟ ତଳେ Under The Light Post Poem by Gajanan Mishra

ନିଶାଖୋର ସହର
ଗଜାନନ ମିଶ୍ର

କହିଲା ବରଫ
ଶୁଣିଲା ପତ୍ରହୀନ ଗଛ।
କଣ କହିଲା କଣ ଶୁଣିଲା
ସାକ୍ଷୀ ରହିଲା ପାହାଡ।

ପାହାଡକୁ ନେଇ
ଏତେ ନାଟ।
ନାଟରେ କିଏ ନେଲା
କି ଭୂମିକା
ସବୁ ବତେଇଲା ପାଠ।

ପାଠ ପଢେଇଲା
ଆଭ୍ୟାନକୁ ଆଇଶାନୀ।
କହିଲା ଦୁଇଦୁଣେର
ଆଗତ ଭବିଷ୍ଯତ
ଦୁଃଖାନନ୍ଦର ସିଲଟରେ।

ବନ୍ଦ ହେଉ ନ ଥିବା
ଯୁଦ୍ଧରେ ଭିଡିମୋଡି ହୋଇ
ବାହାରି ପଡିଲା ମେଘ
ବିଶ୍ବାସଘାତୀ ପବନ ସାଥୀରେ,
ଅସତର୍କ ମୁହୂର୍ତ୍ତରେ ପାଣିର।

ମହଲତି ମିଳିଲା ନି ପ୍ରେମକୁ,
ସୁନ୍ଦର ଭାବରେ ଚଳିଲା ନି
ଦିଆନିଆ, ରୂପାଜହ୍ନ ଘରେ
ସନ୍ଦେହର ପେଡି ଧରି।

ସକାଳଟା ଏମିତି
ଲଟପଟେଇ ଗଲା କାଦୁଅରେ।
ମହୁମାଛି ଗୁଣୁଗୁଣେଇ
କହିଗଲା କଣ କଣ
ନିଶାଖୋର ସହରର
କୁହୁଡିଆ ଲାଇଟଖୁଣ୍ଟ ତଳେ।

ତପୋବନ, ଟିଟିଲାଗଡ, ବଲାଙ୍ଗିର
29/7/2019