Ahmad Faraz

(12 January 1931 - 25 August 2008 / Kohat / Pakistan)

Us ko judaa hue bhii zamaanaa bahut huaa - Poem by Ahmad Faraz

-->

us ko judaa hue bhii zamaanaa bahut huaa
ab kyaa kahe.n ye qissaa puraanaa bahut huaa

Dhalatii na thii kisii bhii jatan se shab-e-firaaq
ai marg-e-naagahaa.N teraa aanaa bahut huaa

ham Khuld se nikal to gaye hai.n par ai Khudaa
itane se vaaqaye kaa fasaanaa bahut huaa

ab ham hai.n aur saare zamaane kii dushmaanii
us se zaraa rabt ba.Dhaanaa bahut huaa

ab kyo.n na zindagii pe muhabbat ko vaar de.n
is aashiqii me.n jaan se jaanaa bahut huaa

ab tak to dil ka dil se taarruf na ho sakaa
maanaa ki us se milanaa milaanaa bahut huaa

kyaa kyaa na ham Kharaab hue hai.n magar ye dil
ai yaad-e-yaar teraa Thikaanaa bahut huaa

kahataa thaa naaseho.n se mere muu.Nh na aa_iio
phir kyaa thaa ek huu kaa bahaanaa bahut huaa

lo phir tere labo.n pe usii bevafaa kaa zikr
ahmad 'Faraz' tujh se kahaa naa bahut huaa


Comments about Us ko judaa hue bhii zamaanaa bahut huaa by Ahmad Faraz

  • Mohammed Asim Nehal (10/15/2016 3:12:00 PM)

    Kya baat hai.......
    ab tak to dil ka dil se taarruf na ho sakaa
    maanaa ki us se milanaa milaanaa bahut huaa

    lo phir tere labo.n pe usii bevafaa kaa zikr
    ahmad 'Faraz' tujh se kahaa naa bahut huaa
    (Report) Reply

    1 person liked.
    0 person did not like.
Read all 1 comments »



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, April 24, 2012

Poem Edited: Tuesday, April 24, 2012


[Report Error]