VISUM Poem by Lucas Malan
VISUM
Die ruising van die see in ‘n skulp
is eintlik - soos almal weet - náklank
van die pols en stulp van die lyf
se taai en langslewende kramp.
Net ‘n ruising, met voorbedagte rade.
Steur jou nie te veel aan dié geluid
nie, al sê dit ook wat; dis net ‘n blyk
dat jy kandidaat sal word - mettertyd -
vir die lasvrye vaart oor die Styx
na die ouwerf van ‘n maan- en sterreryk.
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
2/22/2026 12:23:06 AM # 1.0.0
