Explore Poems GO!

Waly, Waly, Love Be Bonny. A Scottish Song

Rating: 2.2
O waly, waly up the bank,
And waly, waly down the brae,
And waly, waly yon burn side,
Where I and my love wer wont to gae.
I leant my back unto an aik,
I thought it was a trusty tree;
But first it bow'd, and syne it brak,
Sae my true love did lichtly me.

O waly, waly, gin love be bonny,
A little time while it is new;
But when its auld, it waxeth cauld,
And fades awa' like morning dew.
O wherefore shuld I busk my head?
Or wherefore shuld I kame my hair?
For my true love has me forsook,
And says he'll never loe me mair.

Now Arthur-Seat sall be my bed,
The sheets shall neir be fyl'd by me:
Saint Anton's well sall be my drink,
Since my true love has forsaken me.
Marti'mas wind, when wilt thou blaw,
And shake the green leaves aff the tree?
O gentle death, whan wilt thou cum?
For of my life I am wearie.

Tis not the frost that freezes fell,
Nor blawing snaws inclemencie;
'Tis not sic cauld that makes me cry,
But my loves heart grown cauld to me.
Whan we came in by Glasgowe town,
We were a comely sight to see;
My love was clad in black velvet,
And I my sell in cramasie.

But had I wist, before I kisst,
That love had been sae ill to win,
I had lockt my heart in a case of gowd,
And pinned it with a siller pin.
And, oh! if my young babe were born,
And set upon the nurses knee,
And I my sell were dead and gane!
For a maid again Ise never be.
READ THIS POEM IN OTHER LANGUAGES
COMMENTS

Delivering Poems Around The World

Poems are the property of their respective owners. All information has been reproduced here for educational and informational purposes to benefit site visitors, and is provided at no charge...

4/11/2021 11:35:17 PM # 1.0.0.559