କିଏ କତେବେଳେ Who When Poem by Gajanan Mishra

ଧନ୍ୟ କହ
ଗଜାନନ ମିଶ୍ର

ଉଚ୍ଚ ନୀଚ ତଳ ଉପର
କାହାଠୁ କିଏ କେତେବେଳେ
ଜାଣୁଛି କିଏ ଆଉ ଜାଣି ଅଜଣା
ବା ନ ଜାଣି ଜାଣିବାର ବାହାନା,
ଗହନ ଗୋପନ ସବୁ ସବୁ
ଆଉ ଭଲ ହେବ ୟା ଉପରେ
ଏଇଠି ରଖଦେଲେ ଆଲୋଚନା।

କିଏ କାହାର ପୁଣି
କୋଉ ସମୟରେ ଆଉ
କଣ ପାଇଁ ଯେ ଏତେ ସେତେ
ଫନ୍ଦିଫିକର ତୁଚ୍ଛାକୁ,
ଖୋଲା ମେଲା ଦିଶୁଛି ଯାହା
ଘମାଘୋଟ ମେଘର ପଟୁଆର
ନେଇ ଯାହାକୁ ଦିଶୁଛି ଆନନ୍ଦ।

ଆନନ୍ଦକୁ ଭରସା କରି
ତୁମେ ଏମିତି ଆଜି,
ଆରେ ସେଇଟା ତ ଗୋଟେ
ଉଡନ୍ତା ପ୍ରଜାପତି
ହେଇ ହେଇ କହୁ କହୁ
ଗଲାଣି ଆଉ କେଉଁଆଡକୁ
ଧନ୍ୟ କହ ଖାଲି ଜୀବନକୁ।

ତପୋବନ, ଟିଟିଲାଗଡ, ବଲାଙ୍ଗିର
12/8/2019