Ahmad Faraz

(12 January 1931 - 25 August 2008 / Kohat / Pakistan)

Ye tabiyat hai to Khud aazaar ban jaaye.nge ham - Poem by Ahmad Faraz

-->

ye tabiyat hai to Khud aazaar ban jaaye.nge ham
chaaraagar roye.nge aur Gam_Khvaar ban jaaye.nge ham

ham sar-e-chaak-e-vafaa hai.n aur teraa dast-e-hunar
jo banaa degaa hame.n ai yaar ban jaaye.nge ham

kyaa Khabar thii ai nigaar-e-sher tere ishq me.n
dil_baraan-e-shahar ke dil_daar ban jaaye.nge ham

saKht jaan hai.n par hamaarii ustavaarii par na jaa
aise TuuTe.nge teraa iqaraar ban jaaye.nge ham

aur kuchh din baiThane do kuu-e-jaanaa.N me.n hame.n
raftaa raftaa saayaa-e-diivaar ban jaaye.nge ham

is qadar aasaa.N na hogii har kisii se dostii
aashnaa_ii me.n teraa mayaar ban jaaye.nge ham

miir-o-Gaalib kyaa ke ban paaye nahii.n faiz-o-firaaq
zam ye thaa ruumii-o-ataar ban jaaye.nge ham

dekhane me.n shaaKh-e-gul lagate hai.n lekin dekhanaa
dast-e-gul_chii.n ke liye talvaar ban jaaye.nge ham

ham chiraaGo.n ko to taariikii se la.Danaa hai 'Faraz'
gul hue par subah ke aasaar ban jaaye.nge ham


Comments about Ye tabiyat hai to Khud aazaar ban jaaye.nge ham by Ahmad Faraz

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, April 24, 2012



[Report Error]