Yuhi Kabhi Bewajah Sa Nikalta Hai! ! Poem by Shagun Khera

yuhi kabhi bewajah sa nikalta hai
aasman ki kaali syahi ko apne khokle wajood se roshan karne
jo chamakta to hai...par jiska nishaa nahi hota...
jisme andaaz to hai...par jisko gumaa nahi hota..
yuhi kabhi bewajah sa nikalta hai
kisi aur ke eshaas ke ehsaan ke tale... apni kafiiyat ko banane ki koshish mein laga hua
kisi nasaaz thake hue musafir ke tarah...kabhi pura to kabhi udhra sa..
usi raat ke rehguzaar pe tatoolta hua! !
kisi tishnagi se maayus.. yu he chala jaata hai...
barso beet gaye lekin..iska safeed dard..aaj bhi utna he mukamil..
utna he maujuud hai...
gaur se dekha hai kya kabhi..
us safeedi ki chaadar mein tanhai-o-firak ke daago ko..
jo uske zabin pe saaf chamakte hai...
durr...bikhri taaro ki chaao mein...
kisi akeli laash sa... jalta to hai...magar khatam nahi hota..
phir...kisi roz...bewajah sa niklata hai...
wahi tanhai..wahi raat ke saanato se takrata....
kuch pal ka mehman...
kuch...khaboon ka raazdar....
jisme kuch bemukaamil aashiq apne sozo ka charagaar dhund lete hai...
jisme kuch betaaluk mohabbatein apna izhaar dhund leti hai..
jisme kuch jasbaad apni zubaan dhund lete hai..
jisme kuch....hataash kafile..apne rehnuma dhund lete hai..
magar yeh...usi ranj ki nishaani hai..
usi bewafaai ki misaal..
jisse banaya to tha...magar jisko wajood nahi mila..
jisee sajaya to tha...magar jise mehbood nahi mila..
yeh ussi awargi ki dastaan ko apne dile mein liye, aksar
yuhi kabhi bewajah sa nikalta hai..