Azwer Lone

Azwer Lone Poems

The Best Poem Of Azwer Lone

اک جل پری سے پہلے کہیں مل چکا ہوں میں

اک جل پری سے پہلے کہیں مل چکا ہوں میں
دیوانگی سے پہلے کہیں مل چکا ہوں میں

حیرانگی نہیں ہے تری بے وفائی پر
حیرانگی سے پہلے کہیں مل چکا ہوں میں

سنجیدگی سوار ہے یہ جو نئی نئی
آوارگی سے پہلے کہیں مل چکا ہوں میں

ہر آدمی سے مل کے یہی لگتا ہے مجھے
اس آدمی سے پہلے کہیں مل چکا ہوں میں

یونہی خیال پڑتا ہے مجھ کو کبھی کبھی
اس زندگی سے پہلے کہیں مل چکا ہوں میں

شاید اسی لیے ہے مرے دل کو اتنا صبر
تشنہ لبی سے پہلے کہیں مل چکا ہوں میں

ازور سبھی کو ملتا ہوں ایسے تپاک سے
جیسے سبھی سے پہلے کہیں مل چکا ہوں میں
۔۔۔۔۔

Azwer Lone Comments