Natasha Mangqase

Natasha Mangqase Poems

The Best Poem Of Natasha Mangqase

Nzwakazi Yam Eyombathe Ingubo Ebomvu

Siba lam ndivumele ndibhale
ndityatyadule
Utyatyadula ngabani?
Ndityatyadula ngenzwakazi yam
eyombathe ingubo ebomvu,
Ndithetha ngeNzwakazi yam ekhanya
okwelanga lasehlotyeni
Nzwakazi yam enoncumo
okwentyatyambo eNtwasahlobo
Nzwakazi yam uSiba lam lobhala
liyandihlukumeza
Ndithetha ngentombi ethi yoncuma
kugqume izingqi zolonwabo
Ntombi yothi yothetha kuvakala iindlebe
zimamele ngomonde
Ntombi leyo ethi yophakama ihambe
kuvele kukhanye amehlo ngoba kaloku
izingqi zalentombi ngumbono oxolisa
amehlo
Ndithi yintombi enentloni ezibalekisa igazi
phakath kwefele nethambo lam
Nzwakazi yam enxibe ingubo ebomvu
Ingaba luthando olu okanye ulinga intliziyo
yam?
Khumbula kalok mna ndize ngothando
kuwe hayi ngokulinga
Ntliziyo yam ithambe okwefokotho losana
elivela esizalweni
Uthi woyicofa ngamandla uyikhathaza iya
ife ngokuphelelwa luthando
Kaloku nosana oluthe lacofwa ifokotho
luye lubhubhe
Undondlalele ingubo emhlophe kwindlu
yakho efihlakeleyo engabonwa ngumntu
kodwa ivakala ngesandi esibetha
wakundicinga
Undivulele icango longena phakath
kwamagumbi wakho wothando, thuba elo
lingafunyanwa ngumntu wonke
Undenze igeza ndingelilo
Kuba kaloku ndithi ndocinga ngawe vele
ndincume ndodwa
Ndithi ndobiza igama lakho kuvele kugiye
izinyanya
Siba lam ndivumele ndityatyadule, uyeke
wothi wonela

#Royalty

Natasha Mangqase Comments